Mitala na sa 641,295 ang kinatibuk-ang ihap sa bakuna batok COVID-19 ang natupok sa Cagayan de Oro nga naglangkob na sa vaccine rollout sa LGU-CDO, Department of Health, private ug government health facilities, ug pribadong sektor, sigon sa City Health Insurance Office – Data Management Team, sa miaging adlaw.
Kahinumdoman target mabakunahan ang 518,518 nga residente o 70% sa estimated population aron makab-ot ang ‘herd immunity’ batok COVID-19.
Sa maong ihap, 52.98% o 274,719 ang nakakompleto sa bakuna o fully vaccinated, samtang 366,576 o 70.69% ang natupokan og first dose. Padayong gipanawagan ang katawhan nga magpabakuna na sa pinakaduol nga mga vaccination sites sa syudad.
(Source: City Information Office | Cagayan de Oro City Philippines Facebook page)