Bisan ang mga Persons Deprived of Liberty (PDLs) kon inmates sa Misamis Oriental Provincial Jail (MOPJ) wala mapihig sa suporta ug gugma nga giula ni Governor Bambi Emano.
Ang Panggamhanang Probinsya sa Misamis Oriental pinaagi sa MOPJ mipahigayon og tinuig nga selebrasyon sa “Pasko sa Bilanggo” alang sa tanang mga PDLs kon inmates.
Ang kalihokan gitambongan mismo ni Governor Bambi Emano, Provincial Warden PCol. Robert Roy V. Bahian (Ret.), Board Member Dexter Yasay, Prosecution Attorney Lilaben Sacote isip representante ni Fiscal Irene Meso – Provincial Prosecutor, MOPJ Overseer Mr. Roehl Leon Factura, MOPJ Consultant Former Warden Dominador Tagarda ug Rev. Father Juliano Retiquez.
Sa maong selebrasyon, nagkalain-laing mga pasidungog ug premyo ang gihatag sa mga piniriso human ang pwersa sa MOPJ nipahigayon og nagkalain-laing contest sama sa Vocal Solo, Carolling Contest, Parol Making Contest ug Cleanest Cell.
Sa tinuig nga Pagsaulog sa Pasko sa Pasko sa Bilanggo, siguradong mabati sa mga piniriso ang diwa sa Pasko ug ang tiunay nga pag-atiman ug gugma ni Gobernor Bambi Emano ngadto kanila.
(Source: Misamis Oriental Provincial Information Office Facebook page)