Nagpadayon pa gihapon ang panawagan sa Kapitolyo Probinsiyal ngadto sa publiko nga unta magpabiling mabinantayon batok sa posibleng paghitak subli sa African Swine Fever (ASF) dinhi sa Misamis Oriental.
Kini, bisan tuod gikataho ni Provincial Veterinarian Dr. Benjamin Resma nga pila na bulan karon nga wala nay kaso sa ASF dinhi sa lalawigan, apan bag-ohay pa lang ang Probinsiya sa Camiguin nagka-kaso sa maong sakit sa baboy.
Bisan si Gov. Peter M. Unabia nanghinaut nga unta mapaubos na sa “pink zone” ang Misamis Oriental gikan sa “red zone” sa ASF, aron mahataga’g kasigurohan ang magbababoy sa ilang panginabuhian.
(Source: Provincial Veterinary Office | Misamis Oriental Provincial Information Office Facebook page)