Cagayan de Oro: Publiko giaghat pagtuman gihapon sa health protocols bisan ubos na ang mga kaso sa Covid sa syudad

0
126

Taliwala sa padayong pag-ubos sa aktibong kaso sa COVID-19 dinhi sa Cagayan de Oro, kanunay ang panawagan sa publiko nga dili mag- kumpyansa, ipadayon ang pagtuman sa minimum health protocols, ug magpabakuna agi’g dugang proteksyon batok sa virus.

Visit RPN DXKO Cagayan de Oro

Sumala ni Dr. Teodoro Yu Jr., medical officer sa City Health Office, nga bisan pa man nakita ang pag-ubos sa kaso sa COVID sa syudad, anaa pa gihapon ang COVID ug ang hulga sa Omicron ug sub-variants niini nga paspas makapanakod ug naghatag risgo sa mga senior citizens, mga persons with comorbidity, ug mga kabataan nga dili bakunado.

Busa padayong gipanawagan ang katawhan nga kompletuhon ang pagpabakuna ug booster shots sa 18 anyos pataas human makompleto ang primary doses sa COVID-19 vaccines gikan 2-3 ka bulan.

Sa laing bahin, sigon sa data sa City Health Insurance Office, Marso 20, muabot na sa 96.01% ang katibuk-an nga natupokan sa first dose sa target nga 599,929 ka mga residente, samtang 90.84% usab ang fully vaccinated ug 21.39% ang nakapa-booster.

(Source: CHO | Cagayan de Oro City Philippines Facebook page)

Leave a Reply