Zambonga del Sur- KASADYA na usab og kalipay ang makita sa panagway sa mga inahan sa nagkandaiyang cluster nga sakop sa syudad sa Pagadian nga miduyog sa 2022 Womens Month Celebration nga adunay temang “KABABAIHAN TUNGO SA KAUNLARAN” nga gipahigayon sa Provincial Government nga gipasiugdahan sa magpapili isip Mayor sa Pagadian nga si Atty. jackie Bana og ni Deputy Speaker-Congresswoman Divina Grace Yu.
Nagpakita sa ilang tagsa-tagsa ka hanas ang mga kababayen-an sa 4 ka cluster sa gihimong Elimination Round atong adlaw nga sabado sa may Gatchalian Gym, Provincial Government Complex, Dao Pagadian City pinaagi sa Cheerdance Competition og Girlband Competition.
Matud pa sa pipila nga miduyog sa celebrasyon nga usa kini ka pamaagi aron makabaton og pagsalig sa ilang kaugalingon ang mga kababayen-an, og makahimamat ug sama nila nga mga inahan. Gitino usab sa pipila kanila nga bisan paman single mom apan dili kini babag aron mapakita nila ang ilang kahibalo sa pagsayaw.
Malipayon usab nga nakigduyog si Atty. Jackie Bana og si Deputy Speaker – Congresswoman Divina Grace Yu ngadto sa mga kababaihan, kon asa nahatagan nila og oras ang ilang kaugalingon nga motambong sa maong kalihukan. Mipakita usab sa ilang dako nga pagsuporta sinaspirant Vice Mayor Romeo “tata” Pulmones, Governor Victor J. Yu ingon man ang mga aspirant City Councilor’s sa Pagadian City.
Via ZDS Press Bureau
Photo courtesy of Victory Zamboanga del Sur