Aron mahatagan og kahibalo ang katawhan sa lungsod sa Tagoloan kalabot sa gender related nga mga balaodnon ang Provincial Legal Office (PLO) sa Misamis Oriental nagpahigayon og seminar kalabot niini nga hisgotanan.
Sa pagpanguna ni Atty. Neil Pacana walay puas ang paghatod niini og batakang serbisyo may kalambigitan sa balaodnon ug ning bag-ohay lang nanguna kini sa seminar on Gender-Related Laws nga gipahigayon sa Barangay Baluarte, sa Munisipyo sa Tagoloan.
Anaa mihatag sa iyang pangunang mensahe si Atty. Nadya Emano-Elipe ug gibati ang mga dinapig nga bisita sa nasangpit nga venue.
Mihatag sa kahigayonan aron sa pag lecture sa mga partisipante sila ni Atty. Paolyn M. Valmores alang sa Seminar on Pambarangay Laws, Atty. Diana Mae R. Bebelone sa Seminar on Violence against Women and Children ug Atty. Kimberly Jane R. Dy alang sa Seminar on Anti Child Abuse Law R.A. 7610.
Ang seminar gitambongan sa lain-laing mga Barangay functionaries, LGBT members, women sector, ug mga barangay Officials sa nasangpit nga Munisipyo.
Ang maong aktibidades kabahin sa tinuig nga kalihokan sa Provincial Legal Office sa pagpahigayon og Gender and Development Program (GAD) seminar sa matag munisipyo sa lalawigan.
Tumong sa maong kahigayonan nga mahatagan og kahibalo ang mga bisita ug partisipante sa maong mga balaod hilabina sa paghatag importansya sa women ug gender equality.
Dako ang nahimong kontribusyon sa seminar ngadto sa mga residente nga pinaagi niini mahatagan og kahigayonan nga masabtan ang nasangpit nga mga balaodnon aron sila mismo masayod sa ilang tagsa-tagsa ka mga katungod.
(Source: Provincial Legal Office- MisOr | Misamis Oriental Provincial Information Office Facebook page)