Usa ka ‘Joint Inspection and Price Monitoring Activity’ ang gipahigayon niadtong adlaw nga byernes sa City Price Coordinating Council (CPCC) aron pagsuta kung nagtuman ba ang mga establisemento sa dakbayan sa gipagawas nga ‘Suggested Retail Price’ kon SRP sa Department of Trade and Industry (DTI).
Atol sa kalihokan, gibisitahan sa CPCC ang mga supermarkets ug groceries aron pagtino kung nakasubay ba ang mga presyo sa Basic Necessities and Prime Commodities (BNPC) basi sa gimando nga SRP.
Lakip usab sa gisusi ang mga bookstores diin gibaligya ang mga school supplies, ilabina karon nga nahibalik na ang face-to-face classes.
Nasayran nga kadaghanan sa mga establisemento misunod na sa SRP, apan pipila usab kanila ang naisyuhan sa ‘Letter of Inquiry’ tungod kay napatas-an ang presyo sa ubang mga produkto.
‘Show Cause Order’ usab ang nadawat sa mga establisemento nga nakalapas sa ‘Fair Trade Law’, sanglit walay ‘price tag’ ug ‘shelf tag’ ang ubay-ubay nga produkto.
Misalmot sa kalihokan si Committee Chair on Trade and Commerce Kag. George Goking, CPCC Co-Chair Atty. Jose Edgardo ‘Egay’ Uy, mga personahe sa DTI-Misamis Oriental, Xavier University Economics Department, Philippine Information Agency, Cagayan de Oro Chamber of Commerce, nagkadaiyang buhatan sa lokal nga kagamhanan ug uban pang miyembro sa CPCC.
Mihangyo ang mga kadagkuan sa CPCC ngadto sa mga establisemento nga magbutang og kopya sa SRP diha sa mismong tindahan aron adunay giya ang mga konsumante sa barato ug insakto nga presyo sa mga batakang palaliton.
Ang Joint Inspection and Price Monitoring usa sa mga programa nga gilauman nga makatabang sa mga consummate ug sa economic recovery agenda ni Mayor Rolando ‘KlareSource.
(Source: CIO-Cagayan de Oro City)
