Dead on the spot ang usa ka tricycle driver human makabangga-an niini ang usa ka motorksilo alas 5 ang takna sa buntag sa Poblacion Malapatan Sarangani Province.
Naila ang biktima nga si Anthony Abrasado, 37 anyos, residente Purok Pag-asa Brgy Santo Niño Koronadal City. Samtang angol usab ang driver sa motorsiklo nga si Roy Dalongdong Aglobo, 25 anyos, residente sa Purok Colasi, Brgy Labangal ning syudad sa Gensan.
Lakip sa mga nanga angol ang asawa sa Abrasado ug duha niini ka anak. Sumala ni PMAJ Benjie Ancheta ang hepe sa Malapatan Police station, padulong matud pa sa Gensan ang motorsiklo samtang paingon usab sa Glan ang tricycle mikawat matud pa sa pikas lane ang drayber sa motorsiklo rason nga nabanggaan niini ang tricycle.
Tungod sa kusog sa impak ug kanin makina sa tricycle nasunog kini ug naapil kasunog si Abrasado tungod naipit ang iyang tiil, gisulayan kini pagtabang sa mga tawo apan mikusog ang kalayo ug wala na siya maluwas.
Sa kasamtangan nagpabilin sa balay tambalanan ang asawa ug duha ka anak niini lakip usab ang drayber sa motorsiklo.
(Source: Malapatan Police Station, SPPO)
