Nagtigom ang mga miyembro sa Out-of-School Youth Development Alliance (OSYDA), Hulyo 20, diha sa Technical Education and Skills Development Authority (TESDA) X conference room, ning siyudad.
Ang maong tigom gidumala ni Sangguniang Kabataan Federation President John Michael Seno, kinsa mao usab ang chairperson sa Committee on Sports and Youth Development ug Co-chair sa OSYDA.
Lakip sa mga nahisgutan ang ‘Kahigayonan: Skills Training Expo & Job Fair’, mga programa sa TESDA, ang resulta sa Youth Perception, lakip mga updates sa eMonitor Mo app ug uban pa.
Ang OSYDA CDO gilangkoban sa nagkadaiyang national government agencies, pribadong institusyon, youth organizations ug nagkadaiyang buhatan sa LGU-CDO kansang tinguha nga ma-empower ang mga out-of-school youth pinaagi sa development programs sama sa libreng livelihood skills training, employment opportunities ug uban pa.
Kahinumduman nga gipasidunggan si Mayor Klarex Uy sa United States Agency for International Development (USAID) isip ‘Champion of Youth in Cagayan de Oro City’ tungod sa paghatag og igong pagtagad ug kalamboan sa mga kabataan.
(News and photo courtesy of CIO CDO)