General Santos City – Nakadawat ang Police Regional Office 12 (PRO 12) ug 2 ka Isuzu D-MAX Pick-up ug 8 ka motorsiklo nga gilangkuban sa 4 ka KLX Kawasaki ug 4 ka yunit sa XRM Honda nga donasyon gikan sa Local Government Unit – Koronadal.
Nasayran nga una nang gipahigayon ang turnover ceremony sa PRO 12 grandstand sa, Barangay Tambler, General Santos City niadtong Hulyo 18, 2022.
Ang aktibidad ang gipangunahan ni Koronadal Mayor Eliordo Ogena, diin gidawat ang maong donasyon ni PRO12 Regional director PBGen. Alexander Tagum.
Sumala ni PBGen. Tagum,gihimo ang turn-over ceremony dungan sa Traditional Monday Flag Raising Ceremony sa PRO 12 kung asa si Koranadal City Mayor Ogena ang nahimong Guest of Honor ug Speaker.
Samtang gamiton usab ang maong mga sakyanan sa Koronadal City Police Station, South Cotabato Police Provincial Office aron nga pakusgon pa ang pagpaningkamot sa PNP para batukan ang unsa mang matang sa kriminalidad sa ilang AOR aron nga maka-responde sa panahon sa panginahanglan.
Dako usab ang pagpasalamat ni PBGen. Tagum sa Koronadal City LGU sa pagsalig ug dili matugbangan nga paghatag ug suporta sa PRO 12.
(Source: Police Regional Office 12 – Public Information Office)