Gipagsigarbo ug gipasundayag sa Oro Fashion Designers Guild (OFDG) sa unang higayon sa Miss Kuyamis Pageant ning tuiga ang pagpakita sa mga klase-klaseng disenyo sa mga gowns nga gigamit sa 22 ka mga kandidata kon diin kini makita sugod bulan sa Enero hangtud sa katapusan adlaw sa Pebrero 2022 sa Limketkai Mall ning dakbayan.
Dili lamang kini bahin sa pagpapakita sa maong mga desenyo sa gowns nga gisul-ob sa mga kandidata apan ang OFDG ug ang buhatan sa Provincial Government sa Misamis Oriental nag abli sab og oportunidad sa pagpakita sa pag-higalaay sa mga Kagay-anons ug Misamisnons nga magkahiusa susama sa kalihukan.
Ang OFDG namugna tuig 2004 kon diin usa kini ka buhatan sa Top local fashion designers nga nagpadayon sa pagpasigarbo sa ilang mga desenyo dili lang sa lokal apan apil sa internasyunal.
Ang pagpalambo ni Gobernador Bambi Emano sa turismo sa Misamis Oriental kon diin hinungdan sa pagkamugna sa Miss Kuyamis maoy usa ka butang nga nag palig-on sa kalihukan kon diin nag-abli kini og mga oportunidad dili lang sa mga local designers apan sa mga kabatan-onang babae nga nagtinguha nga makab-ot ang korona sa pagkabeauty-queen sa lalawigan lakip niini ang laraw nga mapasigarbo ug mapromotar ang mga hiyas nga makita lamang sa Misamis Oriental.
(Source: PTO-MisOr | Misamis Oriental Provincial Information Office Facebook page)