Cebu City – Gimanduan ni Cebu City Mayor Michael Rama ang tanang City Hall departments concerned pag cooperate sa National Bureau of Investigaton Central Visayas (NBI 7) sa nagpadayon nga imbestigasyon labot sa na kontrobersyal nga kontrata sa basura sa miaging tuig.
Migawas ang kamanduan ni Rama human niini nahinabi si NBI 7 Director Renan Augustus Oliva labot sa updates sa request sa City Council sa miaging tuig nga ipa imbestiga sa nauwahi ang giingong iregularidad sa kontrata sa hauling sa basura niadtong 2021.
Sayo niini, mipagawas ang Commission on Audit (COA) sa ilang annual report labot sa transaction sa syudad nga nagpakita sa giingong irregularidad sa kasabutan tali sa duha ka private firm, Docast Construction ug JJ & J Construction and General Supply alang sa collection sa basura niadtong 2021.
“I instructed the offices concerned to provide the NBI salient documents it had asked for to complete its investigation on an apparent garbage plunder,” pamahayag ni Rama.
Sa gipadangat nga kasayuran ngadto sa Cebu City Public Information Office, nagkanayon si Oliva nga naka kuha na sila ug relevant douments sa tanang mga transactions, partikular na kadtong nahimo gikan sa Enero hangtud sa Hunyo 2021, kanus-a nahitabo ang kontrobersyal nga kasabutan.
Mi issue na ang NBI 7 ug subpoena ni City Treasurer Mare Vae Reyes aron pagtunga sa ilang buhatan karong Agosto 9.
Ang NBI 7 mi request ni Reyes sa pagdala sa mga dokumento lakip na ang mga kopya sa certified disbursement vouchers labot sa disposal services nga gi provide sa Docast ug JJ & J gikan sa Hunyo hangtud sa Disyembre 2021.
Lakip sa mga dokumento nga gi require sa NBI nga dad-on ni Reyes ang contracts of services, award of bidding, billing statement ug summary of deliveries, ug uban pa.
Gipadayag ni Atty John Jigo Dacua sa Department of Public Services (DPS) nga willng siya ug ang iyang buhatan pag cooperate sa NBI sa ilang imbestigasyon.
Pasalig ni Oliva ngadto ni Rama nga mapasakaan ug kaso ngadto sa korte ang mga nalambigit.
‘Multisectoral’ nga imbestigasyon
Si Cebu City Councilor ug minority floor leader Nestor Archival mi deliver ug privilege speech atol sa regular sesssion sa konseho Miyerkules, nag awhag ni Rama ug uban pa nga mo umol ug “multisectoral” body mga mopahigayon ug imbestigasyon labot sa gastohan garbage expenses sa syudad, pag supplement sa imbestigasyon sa COA niadtong 2021.
Miawhag sab si Archival ni Rama nga mopahigayon ug executive session ug imbitahon ang concerned department heads ug Docast ug JJ & J pagsusi ug naka dawat ba sila ug bayad gikan sa Syudad.
Gibutyag ni Achival nga duna pay mga pangutana nga wala matubag labot sa kontrata sa kanhi adminstrasyon tali sa duha ka firms.
Si Edgardo Labella maoy mayor niadtong higayon hangtud namatay kini pagka Nobembre 19, 2021 ug gipulihan sa pagka mayor ni Rama, kinsa nagsilbing bise mayor niadtong higayona.
Gawas sa gi raise sa COA, gi kwestyon sab ni Archival nganong mi charge ang Docast sa syudad ug full garbage fees sa 2021, bisan kon nagkuwang ug trucks ang firm pag manage sa tanang lugar sa syudad alang sa pag kolekta sa mga basura.
Matod ni Archival nga mi charge ang duha ka firms ug full fees sa syudad bisan kon ang garbage trucks sa DPS sa syudad ang aktwal nga mi kolekta sa mga basuara nga wala makuha sa duha ka firms.
Kini maoy rason nga iyang gi awhag si Rama nga mag organize ug investigating body nga maglangkob sa non-City Hall personnel pag imbestiga sa kontrata sa syudad tali sa duha ka firm.
Ang resulta maoy basihan sa posibling pagpasaka ug criminal ug admistrative charge batok sa mapamatud-an nga nalambigit.
Aron paglikay sa conflict of interest, nagkanayon si Archival nga ang investigating body kihananglang panguluhan sa City Hall official pero ang mga sakop dili maglakip ni bisan kinsa nga taga City Hall. (Jhon Tadlip)
(News & photo courtesy of Office of the Mayor- Cebu City | NBI 7 | Councilor Nestor Archival)