Gawas sa pagpasalamat sa pangagamhanan sa City Hall, si Mayor Oscar Moreno nagpagula usab sa iyang pagpasalamat ngadto sa iyang mga kaalyado sa politika sa pagpabilin pagpaluyo sa iyang mga programa.
Mao kini ang iyang giluwatang mensahe atol sa iyang katapusang pakigpulong sa dili pa siya mokanaog sa pwesto sa Hunyo 30 sa gipahigayon nga ika-72 nga Charter Day sa Cagayan de Oro.
Iyang gisugilon nga mapait man tuod ang iyang kasinatian sa pagdumala sa Cagayan de Oro apan kon unsa man ang mga kalambuan nga nakab-ot karon sa syudad mao kini ang bunga sa teamwork ug panaghiusa.
Gisugilon ni Mayor Moreno naa angay dili pasagdan ang lawom nga panagingkil sa politiko sa City Hall. Ang panagbingkil, iyang gilakbitan nga bunga kini sa resulta sa local ug national elections. Sa katapusan iyang gilakbitan nga ang demokrasiya napalig-on gikan sa kabaranggayan paingon sa City Hall ug kon unsa man ang kalampusan nga nakab-ot sa Cagayan de Oro karon, kalampusan kini sa katawhan sa syudad.
(Source: CIO)