Ang Misamis Oriental nagpabiling anaa lamang sa 319 ka aktibong kaso sa Covid-19 nga na-manage og insakto sa Provincial Inter Agency Task Force sa pagpangulo ni Dr. Jerie Calingasan.
Nagpabiling nga daghang aktibong kaso sa Covid-19 ang Cagayan de Oro nga sa pinaka-uwahing datos gikan sa Cagayan de Oro City Daily press briefing anaa na sa 3, 328 maoy hinungdan pabiling nag-una ang siyudad sa labing daghan nga admisyon sa pasyente sa Northern Mindanao Medical Center.
Gikan sa Enero ngadto Pebrero ang siyudad labing daghan nga adminsyon kon diin Enero 31 anaa sa 81 ang admisyon; 74 sa Pebrero 2; Pebrero 4 moabot sa 66; Pebrero 9 anaa sa 52.
Si Gobernador Bambi Emano namahayag nga ang NMMC gitagana nga balay tambalanan alang sa mga Covid patient sa tibouk Northern Mindanao ug dili lamang unta sa Cagayan de Oro.
“Tan-awa ninyo ang record sa NMMC, 80 porsiyento taga CdeO nga para man unta na sa tibouk rehiyon,” matud ni Emano.
Hangyo sa amahan sa lalawigan magpabiling mosunod sa mga health protocols ug mosubay sa mga angayan nga gabayan ug kung walay importante nga lakaw sa Cagayan de Oro nga dunay daghang kaso sa Covid-19 magpabiling magpuyo sa balay.
Panawagan usab ni Gobernador Bambi sa mga opisyales sa siyudad nga mas pahugtan ang pagpakigbatok sa Covid-19 sa dakbayan gumikan ang pagdaghan sa kaso sa Cagayan de Oro lakip sa gakaapektuhan ang lalawigan.
(Source: PHO | Misamis Oriental Provincial Information Office Facebook page)
