Usa ka 12-gauge shotgun nga walay serial number ang boluntaryong gitugyan sa usa ka indibidwal ngadto sa kapulisan atol sa barangay visitation nga gihimo sa Barangay Sulangon Dapitan, Zamboanga del Norte niadtong Setyembre 5, 2026.
Gipahigayon sa mga personnel sa Dapitan City Police Station (Dapitan CPS) ang pagbisita isip kabahin sa ilang kampanya batok sa mga loose o wala marehistrong armas.
Ang armas nga gitahan giila nga usa ka ITHACA 12-gauge shotgun, walay serial number ug walay kauban nga bala sa dihang gitugyan sa kapulisan alang sa hustong pagdokumento, pagtipig ug tukmang disposisyon subay sa kasamtangang balaod ug mga lagda.
Padayon nga gipalig-on sa Dapitan CPS ang pakigtambayayong sa mga barangay ug mga residente isip kabahin sa ilang paningkamot sa pagmintinar sa kalinaw ug kahapsay sa dakbayan.(MEDALYN U. BORJA)
Source: Dapitan City Police Station ZNPPO