Kanunay ang pag-abag sa Panggamhanang Probinsyal sa Misamis Oriental sa mga medical personnel ug mga medical frontliners sa walo ka Misamis Oriental Provincial Hospitals (MOPH).
Gipamatud-an sa Human Resource Management Office (HRMO) sa Panggamhanang Probinsyal sa pagpangulo ni Ms. Jessica B. Galindo ug Provincial Health Office (PHO) gipanguluhan ni Dr. Jerie Calingasan nga plastar kaayo ug naa sa maayong kahimtang ang mga medical nga personahe sa probinsya kung asa puno na ang mga positions sa mga medical personnel sa walo ka balay tambalanan sa probinsya.
“Kung tan-awon nato ang atong records sa MisOr provincial hospitals, halos filled-up jud nah ilabina ang mga medical positions. In fact, makita sad nato karon na-gi-increasan nato ang rate sa atong mga job order workers na mga nurses. Special rate na sila karon. So, daghan jud kaayo mga aplikante na atong mga nadawat.” sulti ni Ms. Galindo kinsa Department Head sa HRMO.
Sa iyang bahin ni Ms. Rosette Cervantes, Supervising Administrative Officer sa Provincial Health Office na ang special rate sa sweldo sa mga job orders nga nurses ang gitupong halosa sa Nurse-1 nga position aron masiguro nga mahatagan ug importansya ang matag nurses sa mga ospital ilabina karong panahon sa pandemya.
“Nagstart jud ta nga gi-increase ang salary sa nurses same sa atong Nurse-1 nga position is tuig 2020. Pag-increase nato, automatic kung unsay rate ni Nurse 1, mao sad rate ni Job Order na Nurse.” madasigon nga gipaambit ni Ms. Cervantes ang kalambuan sa sweldo sa mga frontline nurses sa probinsya.
Gisiguro sa pamunoan ni Gobernador Bambi Emano nga mahatag ang tanan panginahanglan nga mabawi sa mga medical frontliners sa probinsya ang ilang kahago ilabina karong panahon sa pandemya ug ngani gitawag sila sa amahan sa lalawigan nga mga ‘modern heroes’ gumikan lakip sila sa labihan nga naningkamot og maayo nga mamintinar sa lalawigan ang dili kaayo taas nga pagsaka sa kaso sa Covid-19 ug na-manage og maayo ang response sa pandemya.
(Source: PIO | Misamis Oriental Provincial Information Office Facebook page)
Balitang 747