Padayon ang Department of Agrarian Reform (DAR) Zamboanga del Norte sa pagpalig-on sa pagpatuman sa Support to Parcelization of Lands for Individual Titling (SPLIT) Project pinaagi sa field validation sa bag-ong nabahin nga mga yutang pang-agraryo sa Godod, Zamboanga del Norte.
Gipangulohan ni Provincial Agrarian Reform Program Officer II (PARPO II) Daisy Dell Suan Digamon, uban sa mga personnel gikan sa DAR Municipal, Provincial, ug Regional Offices, ang pag-inspeksyon ug pag-verify sa mga landholding nga sakop sa Batches 2 ug 3 sa SPLIT Project Administrative Survey.
Apil sa kalihokan sila MARPO Limuel G. Regalado sa DAR Municipal Office of Godod, SARPO Engr. Rocel C. Acevedo sa DAR Provincial Office, ug Regional Office personnel nga sila Cartographer II Carlos B. Camins ug Regional Documenter II Engr. Gilbert Cadobla.
Pinaagi sa tukmang pagsusi sa yuta, pag-verify sa survey, ug kompleto nga dokumentasyon, masiguro sa DAR nga husto ang pagkabahin ug pagkarekord sa mga yutang sakop sa proyekto. Kini nga mga lakang makatabang sa pagpadali sa paghatag og indibidwal nga titulo ug paghatag sa mga agrarian reform beneficiaries og mas lig-on nga seguridad sa pagpanag-iya sa ilang yuta.(IKEN B. GULLEM)
Source: DAR Zamboanga del Norte Province