Sa dili pa matapos ang iyang unang tulo ka tuig nga termino sa pagpangatungdanan. Si Incoming Cagayan de Oro City Mayor Rolando “Klarex” Uy misaad sa pagpataas sa gidaghanon sa mga scholars sa syudad gikan sa pito ka libo ngadto na sa napulo ka libo.
Ang maong saad iyang gihimo atol sa iyang inaugural speech uban ang paghugyaw sa katawhan sa dihang iyang gibutyag nga ipatuman usab niya ang medical scholarship program.
Si Uy misugilon nga iyang sugdan ang pagpaimplementar sunod tuig sa medical scholarship program. Nakigstorya ni sya kang konsehal Suzette Magtajas-Daba, ang chairperson sa committee on education nga palapdan ang scholarship sa syudad aron pagtabang sa mga kabus.
Nasayran nga si konsehal Daba mao ang naghupot sa education ni outgoing Mayor Oscar Moreno diin ang syudad nakakuha sa daghanang mga awards gikan sa mga mabantog nga institusyon sa nasud apil na ang Seal of Good Education Governance gikan sa Synergia Foundation, usa ka organisasyon nga gimugna kaniadto sa Filipino-American Washington Sycip.
(Source: CIO | Cagayan de Oro City Philippines Facebook page)