Mainitong gidawat sa buhatan ni Mayor Rolando ‘Klarex’ Uy ang mga personahe sa kaulohan gikan sa Department of Health Academy eLearning Team sa pagpangulo ni Dr. Jaira Michelle Adora, medical officer sa Learning and Development Division, kauban ang DOH Region 10 team pinangulohan ni Dr. Ma. Ellen Santua, Development Management Officer V sa Cagayan de Oro atol sa gipahigayong ‘courtesy visit’ diin nahisgotan ang implementasyon sa Universal Health Care Law sa syudad, Oktubre 5 ning tuig.
Kahinumduman usa ang Cagayan de Oro sa 34 ka mga dapit nga nahimong UHC integration sites sa tibuok nasod.Alayon niini, isip usa sa pilot cities sa UHC program, gihimong ‘resource person’ kabahin sa implementasyon sa UHC program sa syudad si Mayor Klarex sa DOH Academy eLearning platform, usa ka e-Learning platform nga naghatag og ‘online practical ug ‘beneficial healthcare training’ nga bukas alang sa tanang healthcare workers.
Atol sa maong panaghisgot, gipadayag ni Mayor ‘Klarex’ ang hugot nga suporta niini sa UHC ug sa kinatibuk-an nga programa sa panglawas bisan paman sa panahon nga kini Kapitan pa sa Barangay Carmen.
Lakip sa RISE CDO development agenda sa mayor ang pagpalambo sa healthcare system ug paghatag seguridad sa katawhan sa hisgutanang panglawas.
Mapasalamaton usab si Mayor ‘Klarex’ sa pagtinabangay sa nagkadaiyang departamento sa syudad sa pagpanguna sa City Health Office, JR Borja General Hospital ug City Health Insurance Office sa pagtutok ug paghatag sa batakang serbisyo sa panglawas sa katawhan.
Alayon niini, unom na ka mga health facilities sa dakbayan karong tuiga uban sa pag-abag sa Philhealth Region 10 ang nahimong accredited sa Philhealth isip KonSulTa (Konsultang Sulit at Tama) package provider diin bag-ohay lang pormal nga gibuksan ang Lumbia infirmary, Carmen health center ug Nazareth health center.Sa dili madugay buksan na usab ang KonSulTa program sa City Health Office, Tablon health center, Lapasan health center aron paghatag og outpatient health services sa katawhan.
Samtang nagpadayon usab og paghatag sa maternal care services ang 25 ka mga operational nga MCP provider (Maternal Care Package) Philhealth accredited health centers sa syudad.Dumduman usa sa mga gitutokan sa UHC program ang pagpalambo sa mga primary care facilities sama sa mga barangay health centers.Photos by April LorenzanaSource: CIO-Cagayan de Oro
