Cagayan de Oro: Kapin 200 mitambong sa coop info caravan

0
5

MUABOT sa 200 kapin ka mga sakop sa nagkalain-laing kooperatiba sa Cagayan de Oro ang aktibong misalmot sa gipahigayon nga ‘Cooperative Information Caravan 2023’ karong adlawa, Marso 29 ning tuig diha sa City Tourism Hall.

Ang Coop Info Caravan hiniusang gipasiugdahan sa Cooperative Development Authority Region 10 ug sa kagamhanang lokal sa syudad pinaagi sa Community Improvement Division – Cooperative program.

Atol sa maong kalihokan, gipadangat ni Mayor Rolando ‘Klarex’ Uy pinaagi ni City Administrator Atty. Roy Hilario Raagas ang iyang pagpasalamat sa mga mitambong sa ilang pagpakabana sa kaayohan sa ilang kooperatiba.

Tumong sa info caravan nga ma-edukar ang mga miyembro kabahin sa mga hisgutanan sa cooperative projects development, credit surety fund, registration, research, info, & trainings, legal updates, coop supervision & examination and CAIS.

Leave a Reply