Mokabat na sa 96.13% ang natupokan sa first dose batok COVID-19 sa adjusted target herd immunity coverage nga 574,491 ka tawo dinhi sa Cagayan de Oro.
Kini naglangkob na sa 12 anyos pataas sa nagpadayong vaccine rollout sa syudad.
Sigon sa data sa City Health Insurance Office, Enero 23 ning tuig, 87.37% o 501,963 ang ‘fully vaccinated’ ug 9.35% o 53,724 ang natupokan sa booster dose.
Padayong nanawagan ang city hall sa mga katawhan nga magpabakuna na sa pinakaduol nga vaccination center o di ba kaha sa mobile vaccination.
Alayon niini, ugmang adlawa, Enero 25 ang mobile vaccination team moadto sa Barangay Pagalungan, samtang magpadayon usab ang pagtabang sa syudad sa kasikbit nga mga lugar aron makab-ot ang herd immunity pinaagi sa mobile vaccination nga ipahigayon na usab sa lungsod sa Gitagum karong Enero 26.
(Source: City Hall Press Briefing | Cagayan de Oro City Philippines Facebook page)