Nadakpan sa buy-bust operation ang usa ka giila nga High-Value Individual o HVI nga alyas “Part,” 46-anyos, sa Barangay Ngan, Compostela, Davao de Oro niadtong Septiyembre 5, 2026.
Sumala sa kapulisan, mokabat sa ₱544,000 ang gibanabanang kantidad sa gituohang shabu nga nakumpiska sa operasyon.
Apil usab sa mga nasakmit ang usa ka .45 caliber pistol, magazine, ug mga buhing bala.
Gikustodiya na sa Compostela Municipal Police Station ang suspek ug ang mga nakumpiskang ebidensya alang sa tukmang legal nga proseso.
Posibleng pasakaan siya og kaso ubos sa RA 9165 o Comprehensive Dangerous Drugs Act of 2002 ug RA 10591 o Comprehensive Law on Firearms and Ammunition Regulation Act.(Camille Santos Naraga)(Source: CompostelaMPS)