Nakadakop og 556 ka mga suspetsado ang Cebu Police Provincial Office (CPPO) sa nagkadaiyang paglapas sa lokal nga ordinansa kagahapong adlawa Septiyembre 9, 2026, isip kabahin sa Safer Cities Initiative.
Sa 310 ka operasyon sa tibuok Cebu, 359 ang gipamulta samtang 197 ang gipasidan-an ug gipagawas. Mikabat sa ₱192,800 ang kinatibuk-ang nakolektang multa.
Kadaghanan sa mga paglapas may kalabotan sa traffic ordinances, pag-inom ug pagpanigarilyo sa pampublikong lugar, paglapas sa curfew sa mga menor de edad, ug uban pang lokal nga ordinansa.
Sumala ni Cebu PPO Director PCOL Abubakar Udang Mangelen Jr., padayon ang police visibility ug patas nga pagpatuman sa ordinansa aron malikayan ang mas seryosong problema sa kalinaw ug kahapsay sa komunidad.
I via Renante Socia Lada