Ang Environmental Management Bureau Region 7 (EMB-7) padayon sa pagmonitor sa kalidad sa hangin tungod sa haze nga nasinati sa pipila ka lugar sa rehiyon.
Alas-7 sa buntag, ang Metro Cebu adunay Air Quality Index o AQI nga 102, nga giklasipikar nga dili maayo para sa mga sensitibo nga grupo sama sa mga bata, tigulang ug adunay mga problema sa respiratoryo.
Samtang, maayo ang kalidad sa hangin sa Toledo City diin nakarekord og AQI nga 37.
Gidasig sa EMB-7 ang publiko nga kanunay mosubay sa opisyal nga air quality updates ug mga pahimangno aron malikayan ang posibleng epekto sa haze sa panglawas.
I via Renante Socia Lada