Ang food for garbage exchange program nagtinguha sa pagpakunhod sa daghang basura nga gisugot ni Incoming Mayor Rolando “Klarex” Uy sa iyang speech atol sa inauguration uban sa iyang mga kaalyado sa administrasyon sa City Council nga gihimo sa miaging adlaw sa amphitheater ning syudad.
Matud ni Uy, iyang paningkamutan uban sa tabang sa konseho kon epektibo ba nga magdala ang katawhan sa ilang basura iyang bayloan sa bugas ug sardinas. Kini sa tinguha nga malimpyo ang syudad, dugang pa ni Uy sa iyang mensahe.
Si Uy kinsa pormal nga molingkod isip bag-ong Mayor sa Cagayan de Oro sa udto sa Hunyo 30 nagsugilon nga iyang pangitaan sa pamaagi nga ang mga kagay-anons madasig sa pagsuporta sa solid waste management program sa syudad.
Nanawagan usab siya sa department sa City Hall nga maoy in-charge sa waste management program sa pagpalig-on pa sa ilang garbage collection efforts sa tinguha nga malimpyo ang palibot sa Cagayan de Oro.