31.9 C
Manila
Thursday, March 28, 2024

Dipolog: Oath-taking ceremony sa mga napiling opisyales sa dakbayan gipahigayon

- Advertisement -

Nagmalapusong gipahigayon Oath Taking Ceremony ni City Mayor Darel Dexter T. Uy uban sa mga “Elected Officials” dinhi sa dakbayan lakip na sa pipila ka mga opisyal gikan sa lalawigan Zamboanga del Norte niadtong Hunyo 25, ning tuiga didto sa Museo Dipolog sugod sa may alas-5:00 ang takna sa hapon.

Ang kalihokan gitambongan sa mga pamilya sa “elected officials”, mga bisita ug higala sa mga hingtungdan ug mga nagkadaiyang ahensya sa gobyerno lakip na mga “office heads” gikan sa Kagamhanang Lokal ning dakbayan, isip sa pagsaksi sa nasangpit nga okasyon.

Sa maong okasyon, mihatag sa iyang “Welcome Remarks” si Vice Mayor-elect Senen O. Angeles samtang mihatag usab sa iyang “Inaugural Message” si City Mayor Darel Dexter T. Uy diin nagpasalamat sa suporta nga gihatag sa katawhan sa Dipolog ug nagsaad nga ipalambo pag-ayo ang siyudad.

Gikataho nga si RTC Branch 9 Presiding Judge, Hon. Victoriano D. Lacaya Jr. mi-“administer” sa panumpa nila ni Vice Governor-elect, Hon. Julius C. Napigquit samtang si RTC Branch 7 Acting Presiding Judge, Hon. Florendo B. Opay mi-“administer” usab sa mga Sangguniang Panlalawigan members sila si Hon. Patri “Jing” Chan, Hon. Peter Y. Co ug Hon. Dante Bagarinao.

Si RTC Branch 6 Presiding Judge, Hon. Jose Rene G. Dondoyano mi-“administer” sa panumpa sa mga Sangguniang Panlungsod Members (Hon. Roger V. Asprer, Hon. Maynard Baes, Hon. Roseller “Matoy” Barinaga, Hon. Eduardo Baron, Hon. Marilou Y. Calibo, Hon. Jonald C. Napiquit, Hon. Praxides Rubia, Hon. James Cyril O. Ruiz III, Hon. Romulo “Muling” Soliva ug Hon. James P. Verduguez.

Si RTC Branch 8 Presiding Judge, Hon. Nestor R. Angeles mi-“administer” sa panumpa ni Vice Mayor-elect Senen O. Angeles samtang si RTC Branch 10 Executive Judge, Hon. Cherry Joy Concha-Ageas mi-“administer” sa panumpa ni City Mayor Darel Dexter T. Uy.

Human sa “Oath Taking Ceremony” diha-diha gipahigayon ang “photo ops” sa matag opisyal nga nanumpa kauban sa ilang tagsa-tagsa ka mga pamilya ug gisundan sa “Dinner – Gala Performances” diin gipasundayag mga talento sa pipila ka mga banggi-itang Dipolognon.

Source: DIPOLOG CITY GOVERNMENT Facebook page

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -