Malampusong gipahigayon sa kagamhanang lokal ning syudad ubos sa administrasyon ni Mayor Rolando “Klarex Uy ang labing unang ‘Mag-Bike Ta Uy’ adlaw’ng Sabado, Hunyo 3 ning tuiga.
Ang ‘Mag-Bike Ta Uy’ kabahin sa nakahan-ay na nga mga kalihukan sa Environment Month nga gisaulog sa syudad pinaagi sa City Local Environment and Natural Resources Office (Clenro) ug sa World Bike Day.
Matud ni Engr. Armen Cuenca, hepe sa Clenro, mokabat sa 660 ka mga bikers gikan sa nagkalain-laing grupo ug indibidwal ang misalmot sa maong kalihukan nga gisugdan sa City Hall Mini Park ug mitapos sa Brgy Baikingon diin gipahigayon usab ang ‘Klarex nga Serbisyo sa Baryo’ nga programa ni Mayor Klarex.
Mokabat sa 24 ka mga grupo nga gilakipan sa CDO Bikers Club, Lady Bikers Club, Sikad with April, MikeLaps, Bike Jam, Pedal Pride, Takuza, Tribibo, Uhaw Bikerz, CIB, Myx2 Bikers & BRG, Team Luya, Eco Pedal, EMB-Garuda Bike, Gran Europa Mustang, Team Henry, Cambia, CDO Lady Bikers, Cool Bikers, CDO Cool Bikers, Team Sikad, Wander Bikers, STK Bikers ug Cobra Camiguin Bike Riders Association ang misalmot.
(News and photo courtesy of Cagayan de Oro City Information Office)
