Agi’g paghatag og lingaw sa publiko alayon sa hiniusang kasaulogan sa Philippine Independence Day ug 73rd City Charter Day sa dakbayan sa Cagayan de Oro, usa ka sports festival ang ilusad sa kagamhanan ning syudad sugod karong Hunyo 8 hangtud Hunyo 14 ning tuig.
Kini ang gibutyag ni Mayor Rolando ‘Klarex’ Uy atol sa pagpakayab sa nasudnong bandila, Lunes sa buntag sa city hall.
Mokabat sa 18 ka nagkalain-laing ahensya sa gobyerno ug delegasyon sa probinsya sa Misamis Oriental ang mikonpirmar nga mosalmot sa 1st Mayor Rolando “Klarex” Uy Charter Day Sports Festival.
Ang maong torneyo adunay mosunod nga sporting events: Basketball Men (Open Category/45 up), Basketball Women (Open Category), Volleyball Men and Women (Open and 40 up), Table Tennis, Lawn Tennis, Badminton ug Chess.
Dagkong mga cash prizes ug trophies, ingon man ang MVP ug individual awards ang nagpaabot sa mga mananaog.
(News and photo courtesy of Cagayan de Oro City Information Office)