Nakita na sa mga personahe sa Philippine Coast Guard District Northern Mindanao ang duha nga dugang patay’ng lawas nga nalakip sa nabiktima sa pagdahili sa yuta sa Sitio Mabuhay San Luis, Malitbog, Bukidnon. Giila sa Malitbog LGU ang mga lawas sa biktima nga sila Lucresio Lauronal, bana sa unang nakita nga biktima nga si Angelita ug Nerio Talines diin mao ang backhoe loader operator.
Sumala pa nga unang nakalutan sa mga rescuer ang kamot sa biktima hangtod nga nasubay nila ang tibuok lawas niini.
Kahinumduman nga sa milabay nga mga adlaw unang nakuha ang patayng lawas nila Jordan Achas ug Angelita Lauronal. Nagpadayon sab karon ang search and retrieval efforts, ug Ang mga heavy equipment units walay undang sa pagkalot arun makit-an ang nahabiling biktima nga natabunan sa maong trahedya nga si
Raffy Simprota.
Gilayon nga gidala sa funeral homes ang mga patay’ng nga napalgan, samtang una nang napahiluna ang patay’ng lawas sa duha ka biktima nga una nang nakita niadtong milabay nga mga adlaw.
Lakip niini ang patay’ng lawas ni Jordan Achas kinsa dump truck helper ug Angelina Lauronal. (Cheleste Simene)
