Thursday, May 23, 2024

Cagayan de Oro: Drive-thru vaccination ug uban pang istratehiya laraw ipatuman sa syudad

- Advertisement -

Gilaraw karon sa CDO COVID-19 vaccination team ang pagpatuman sa mga bag-ong istratehiya sa mas gipalapad nga vaccine rollout sa syudad sama sa ‘drive thru vaccination’, pagpamakuna diha sa Agora ug Bulua bus terminal, pantalan, ug school-based vaccination.

Visit RPN DXKO Cagayan de Oro

Kini uban usab sa tabang sa Department of Education aron mabakunahan ang 5 to 11 pediatric age group, lakip ang mobile vaccination sa mga ‘non-ambulatory’ nga residente sa syudad.

Sigon pa ni Dr. Teodoro Yu Jr., medical officer sa City Health Office, tumong sa ginahan-ay nga bag-ong istratehiya nga mas daghan pa ang mabakunahan ug maprotektahan batok sa sakit nga COVID-19, taliwala nga anaa na sa 88% ang fully vaccinated sa target sa syudad nga 599,929.

Nasayran lakip ang vaccination rate performance ang gibasihan sa pagpaubos sa Alert Level 1 status sa syudad, gawas sa pagkunhod sa average daily attack rate (ADAR), two-week growth rate ug total bed utilization rate.

Padayong giawhag ang katawhan nga dili gihapon magkumpiyansa ug magpadayon sa pagtuman sa minimum health protocols ug magpabakuna aron dugang proteksyon batok sa virus.

(Source: CIO | Cagayan de Oro City Philippines Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -