Usa ka talagsaong higayon ang nahitabo sa Cebu Provincial Detention and Rehabilitation Center (CPDRC) sa Martes, Setyembre 8, 2026, atol sa Family Day ug selebrasyon sa Feast of the Nativity of the Blessed Virgin Mary.
Kapin 1,000 ka persons deprived of liberty (PDLs) ang gitugotan nga makauban ug makapabilin overnight uban sa ilang mga suod nga sakop sa pamilya sulod sa pasilidad.
Nakakaon sila nga magkauban, nakig-istorya ug nakagahin og panahon uban sa ilang pamilya.
Matud ni CPDRC Jail Warden Dr. Felipe Montejo, dako kini nga tabang sa moral ug mental health sa mga PDL. Usa sa mga PDL nga 12 ka tuig nang detained miingon nga dako kaayo iyang kalipay kay karon lamang siya nakasinati og Family Day uban sa iyang pamilya.
Gipakita usab pag-usab sa CPDRC Dancing PDLs ang ilang talento atol sa selebrasyon. Sumala kang Montejo, plano usab nilang ibalik ang ilang public performances aron posible kining mahimong usa sa mga atraksyon sa turismo sa Cebu, apan maghulat pa sa pag-aprubar ni Gov. Pamela Baricuatro.
I via Renante Socia Lada