Padayon ang pag-monitor sa Environmental Management Bureau Region 7 o EMB-7 sa kalidad sa hangin sa Central Visayas tungod sa gikatahong haze sa rehiyon.Base sa monitoring alas-7 sa buntag, ang Metro Cebu adunay Air Quality Index o AQI nga 117, nga gi-classify nga “Unhealthy for Sensitive Groups.”
Nagpasabot kini nga ang mga sensitibo sa polusyon sa hangin kinahanglan magbantay ug maglikay sa dugay nga pagpabilin sa lugar nga adunay hugaw nga hangin.
Samtang, mas maayo ang kahimtang sa Toledo City, diin nakarekord og AQI nga 46, nga gi-classify nga “Good.”
Gidasig sa EMB-7 ang publiko nga kanunay mosusi sa opisyal nga air quality updates ug advisories aron mahibalo sa kahimtang sa hangin sa ilang lugar.
I via Renante Socia Lada