Nagpahigayon og ocular inspection and site visit ang mga personahi sa Department of Health region 10 ug Philhealth sa bag-ong natibawas nga Lumbia Infirmary nga buksan karong Lunes, Hunyo 27 sa pagpangulo ni Mayor Oscar Moreno.
Ang Lumbia Infirmary maoy ikaduha nga medical facility nga natukod ubos sa administrasyon ni Mayor Moreno nga nahimutang sa Brgy Lumbia.
Kasamtangan usab nga gitibawas ang Tablon Infirmary nga ikatulo sa mga medical facilities sa syudad.
Ang duha ka mga infirmaries gilaumang magserbisyo sa mga residente nga nanimuyo sa este ug westeng bahin ning syudad, ug tumong niini nga matabangan ang Northern Mindanao Medical Center ug JR Borja General Hospital.
Kahinumdoman nga una nang gibuksan ang Cagayan de Oro – Center for Emerging and Re-emerging Infectious Disease Center (CDO-CEREID) nga nahimutang sa Brgy San Simon nga nahimo ubos sa administrasyon ni Mayor Moreno ug gidumala sa Northern Mindanao Medical Center (NMMC).
(Source: NMMC | Cagayan de Oro City Philippines Facebook page)