Ya recivi cuatro proyectos el Western Mindanao State University (WMSU) desde’l govierno local.
El mga proyectos ta incluwi el siguentes: construccion del extension del edeficio del CLA Graduate Program; construccion del Student Computer Center; construccion corral y gate; y el construccion del edeficio del Governance Building.
El Alcalde Maria Isabelle Climaco-Salazar hunto con el Doctora Carla Ochotorena, presidente del WMSU, ya encabesa con el groundbreaking ceremony del Biyernes que ta indica el principio na trabajo del cuatro proyectos.
Asegun con Salazar cay el implementacion del mga proyectos parte este na su commitment para suporta con el sector de educacion.
Con el cuatro proyectos ya escuji durante el hunta de canda Salazar y Ochotorena na City Hall del otro anio. (Cristine Falcasantos) (Photo Courtesy, City Government of Zamboanga FB Page)
