Gipanawagan ni Provincial IATF Chief Dr. Jerie Calingasan ang katawhan ingon man mga personahe sa Kapitolyo Probinsyal nga kung dunay ipahigayon nga pagbakuna sa ilang mga anak gamit ang reformulated Pfizer vaccine, hugot nga mokooperar aron malikayan ang “open vial wastage”.
Ang “open vial wastage” usa ka panghitabo diin nausik o pakyas nga nahatag ang doses sa bakuna sulod sa multi-dose nga vial sama sa reformulated Pfizer vaccine ngadto sa matag indibidwal sulod sa 5-6 ka oras human kini giablihan.
“We cannot throw them out. That vaccine will last only for 5 to 6 hours once we open them so that has to be disposed, that has to be given,” pagpasabot ni PIATF Chief Calingasan.
Gipanghingusgan karon ni Chief Calingasan ug Gobernador Bambi Emano ang kampanya batok sa makapatay nga virus pinaagi sa pagbakuna dili lang sa mga hamtong ang mga edad apan lakip mga kabataan aron sa hingpit mobalik na sa normal nga dagan sa kinabuhi ang katawhan nga labihang naapektuhan sa gisagubang nga pandemya.
(Source: PIO | Misamis Oriental Provincial Information Office Facebook page)