Cagayan de Oro: City Scholarships Office gipagula ang listahan sa 2,000 ka bag-ong city scholars

0
10

Malipayong gi-release sa City Scholarships Office ang resulta sa dugang 2,000 ka mga city scholars alang sa school year 2023-2024.
Ang pagpili sa mga aplikante gibasi sa gisumiteng mga dokumento sama sa grado, family income, leadership ug awards, ug interview, lakip na ang qualifying exam.

Gani, gipahinumduman ang mga bag-ong city scholars nga ang pag-release sa Certificate of Scholarship Acceptance ug Approved School Placement and Course ipahigayon sa Hunyo 5 – 9, diha sa City Tourism Hall.

Gani, gikinahanglan motunga mismo ang nadawat nga city scholar para sa pagdawat niini tungod kay ma-forfeit ang Certificate of Scholarship Acceptance ug ang slot mapadulong sa next-in-rank applicants, kung mapakyas ang hintungdan scholar pagtambong sa kalihukan.

Gipasabot usab sa buhatan nga ginadili ang pagdawat sa mag-igsoon nga aplikante agi’g paghatag og tsansa sa ubang aplikante.
Sa gustong magpakisayod kalabot sa scholarship results, palihug bisita sa ilang Facebook page: CDO City Scholarships Office.

(News and photo courtesy of Cagayan de Oro City Information Office)

Leave a Reply