Subay sa pagsaulog sa Provincial Capitol Christmas Celebration 2021, ang Kapitolyo Probinsyal adunay gipahigayon nga Provincial Capitol Park Christmas Lights and Décor Contest kon indigay alang sa tanang buhatan.
Kini gilangkoban sa lima ka bahin kon cluster sama sa PEO, PEO-BIP, PHIO, Nutrition Office, MisOr CareS ug Treasurer alang sa Cluster 1 samtang sa Cluster 2 mao ang PGO, Admin, APA, OBA, Library, MIS, PGSO, BAC, Assessor ug PSWDO.
Dugang niana, ang Cluster 3 gilangkoban sa Accounting, PESO, Agriculture, MOPIAD, Pay Parking, Budget, Cooperative Office; Cluster 4 nga mao ang MOPJ, Capitol Guards, Misortel, Capitol Park, HRMO, Veterinary, Legal, PYDO ug ang Cluster 5 nga mao ang SP, IKNB, Capitol Band, PPDO, Population, ENRO ug ECCD.
Samtang ang Provincial Tourism Office ubos sa pagpangulo ni Atty. Jeffrey Saclot maoy magdumala sa pag-organisa sa programa sa Lighting Ceremony.
Ang maong indigay adunay tema nga “Salamat sa 9” isip paghatag og pagpasalamat sa siyam ka tuig nga serbisyo sa gobyerno ubos sa administrasyon ni Gobernador Bambi Emano.
Alang sa gabayan ug mechanics sa indigay, gikinahanglan nga musalmot ang nasangpit nga mga buhatan sa matag cluster.
Ang matag cluster mahimo nga makapili sa ilang gamiton nga dekorasyon apan ang Christmas lights gikinahanglan nga adunay kolor nga puti, orange, ug violet alang sa koordinasyon sa kolor sa tibuok Provincial Capitol Park.
Ang eskedyul alang sa paghukom gipahigayon sa adlawng Lunes, Disyembre 6, 2021 dungan sa opisyal nga Lighting Ceremony samtang ang ikaduhang paghukom ipahigayon karong umalabot Disyembre 16, 2021.
Ug alang sa ulahing iskor sa mga mosalmot nga cluster, kini masayran pinaagi sa pagkuha sa average sa ilang iskor gikan sa pre-judging ug final judging. Ang mga judges alang sa maong indigay mao sila CDO’s Iconic Fashion Designer Mr. Mark Christopher L. Yaranon, Association of Tourism Officer of Misamis Oriental Mr. Geronimo Magua Z. Lagbas ug Founder of “The House” Mr. Michael S. Villamor.
Ang pag-anunsyo sa mananaog ipahigayon karong Disyembre 17, 2021 samtang ang mga premyo ianunsyo dungan sa Lighting Ceremony. Bisan paman sa hulga nga dala sa pandemya, wala kini nahimong babag alang sa amahan sa lalawigan-Gobernador Bambi Emano aron sa paghatag og kalipay sa tanang Misamisnon pinaagi sa mga kalihokan nga sama niini nga epektibong lakang aron mabati ang espiritu sa kapaskuhan.
(Source: Misamis Oriental Provincial Information Office Facebook page)
