Saturday, June 22, 2024

Batac: 455 a titulo, naipaima kadagiti kakailian babaen iti programa ti probinsia a titulo a natalged

- Advertisement -

Naipaima iti uppat a gasut limapulo ket lima a kakailian ti titulo ti daga dagitoy iti babaen ti titulo a natalged a programa ti gobierno probinsial.

Visit RPN DZRL Batac

Segun ken ni Gob. Matthew Marcos Manotoc, adda benepisiario iti dandani amin nga ili ditoy probinsia kas iti Badoc, Nueva Era, Pinili, Banna, Dingras, Marcos, Paoay, Piddig, Sarrat ken Carasi.

Imbatadna a nakaragragsak gapu ta kamaudiananna ket adda met laengen dagiti titulo ti daga a maipaima kadagiti kakailian. Gundaway iti babaen ti Inbunannagna a daytoy ti kaunaan administrasyonna nga adda dagiti nabenipisiaran iti nasao a programa ti probinsia.

Kunana a dakkel a pagyamananna kadagiti agserserbi iti Provincial Assessors Office nga idadauloan ni Engr. Herminio Castillo ta nupay adda pandemia ket naikarigatanda a maipaleppas ti pannakatitulo ti daga dagiti nadakamat a kakailian.

Inlawlawagna a naidumduma ti ragsakna iti pannakaipaima ti titulo ti daga kadagiti maseknan a kakailian nangnangruna kadagiti dua a nataengan nga agtawen iti walopulo ket maysa ken walopulo ket lima.

Impadanon ti gobernador ti panangnamnamana a maysa daytoy kadagiti umuna nga addang iti naan anay a panagwaywayas ti maysa a kailian gapu ta babaen iti kaadda ti titulo ket nataltalged ti rikna dagiti addaan ti daga ken makaanges dagitoy ti nalukay.

Innayonna nga ania man ti kalikagum dagiti kakailian ket sindadaan ti gobierno probinsial a tumulong ken mangipaay ti naan-anay a suporta.

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -