Nagmalampuson ang ‘Bongga ka Nay’ atol sa ‘Gabii sa Kababayin-an’ nga gipahigayon, Marso 24, diha sa City Community Amphitheater, ning siyudad.
Gikoronahan si Charina Neri sa barangay F.S. Catanico isip Bongga ka Nay Grand Champion.
Samtang nagmadaugon si Christin Serato isip 1st Runner Up gikan sa Brgy. Canitoan; Divie Grace Rivera, 2nd Runner Up gikan sa Brgy. Carmen; Ritchel Edralin, 3rd Runner Up gikan sa Brgy. Bugo; ug Anacita G. Bajao, 4th Runner Up gikan sa Brgy. 17.
Ang ‘Bongga ka Nay’ ang pinakaunang beauty pageant alang sa mga inahan nga gipasiugdahan sa siyudad pinangunahan sa City Gender and
Development Focal Point System nga gipangulohan ni City GAD focal person Sheila Lumbatan.
Tinguha sa maong pageant nga mahatagan sa pasidungog ug bili ang mga paningkamot ug kontribusyon sa mga inahan ilabina ning bulan sa Marso, diin gisaulog ang National Women’s Month.
(News & photo courtesy of CDO CIO)