Gikalipay sa CDO LGU ang dako’ng pag-ubos sa kaso sa COVID 19 ning syudad nga miresulta sa pagkunhod sa hospital care utilization rate ngadto na lamang sa below threshold level.
Kini nagpasabot nga anaa na lamang ang syudad sa pinakaubos nga quarantine classification kung itandi sa milabay’ng mga bulan nga nakasinati sa grabeng pagsaka niini.
Sa pinakaulahing datus sa FASSSTER Philippines’ key indicators, para sa Cagayan de Oro, anaa na lamang sa 26.48% ang Average Hospital Care Utilization rate itandi sa 35.63% sa October 21.
Lakip sa miubos ang isolation bed capacity nga anaa sa 26.86%, ICU bed nga 27.59% ug Mechanical ventilator nga 25% na lamang.
Samtang ang average daily attack rate (ADAR) anaa na lamang usab sa 3.36 ug ang two week growth rate anaa sa -43%.
Matud ni Dr Ted Yu Jr sa City Health Office (CHO) ug Dr. Gina Itchon sa Northern Mindanao Medical Center nga kini nga mga kadaugan batok COVID 19 tungod sa daghan na mitubag sa pagpabakuna.
Apan bisan pa man niining gamay’ng kadaugan, higot pa gihapon ang hangyo ni Mayor Oscar Moreno ingon man sa mga medical professionals sa CHO ug NMMC nga likayan pa gihapon ang super spreader events ug pagsunod kanunay sa minimum public health standards.
(Source: City Hall Press Briefing | Cagayan de Oro City Philippines Facebook page)