Cebu City – Gibakwi na sa pipila ka mga opisyal sa Sugbo ang ilang naunang lakang nga ablihan ang mga sam-ang sa tagsa tagsa ka mga lugar atol sa semana Todos Los Santos ug Kalag-Kalag.
Si Acting Cebu City Mayor Michael Rama mi-atras sa iyang lakang sa pagpa abli sa mga sam-ang sa Syudad sa Sugbo ug mosunod sa kamanduan sa Inter-Agency Task Force pinaagi sa Department of Interior and Local Government (DILG).
Mipagawas ug Public Statement si Rama, Oktubre 27, 2021 ug gi quote sa iyang pasiuna nga pamahayag: “Respect for the Law is not optional; it’s fundamental.
“As a lawyer, we stand by this principle much more as a local government functionary, Being so, we adhere to the advice of DILG on the closure of cemeteries on October 29, to November 2, as we announced late yesterday afternoon,” tipik sa Public Statement ni Rama.
“In convergence with the various sectors in the government and the private sector, active citizens with passion to see our City recover from the difficulties this pandemic brought us, we have been very prepared with all contingences,” dugang pamahayag sa acting mayor.
Samtang sa Syudad sa Lapu-Lapu, wa sab aprobahi ang suwat-hangyo sa ilang local nga kagamhanan pinaagi ni Mayor Junard Chan nga bout untang mopa abli sa mga sam-ang.
Kini hinungdan nga mosunod sila sa gipatuman sa DILG sa pagpasirado sa mga menteryo sa syudad.
Kabahin sa lungsod sa Moalboal, gipahibaw sa Municipality of Moalboal Police Office nga miluwat kagahapon ug order ang mayor alang sa pagpasirado sa ilang sam-ang isip pag sunod sa kamanduan sa DILG.
Ang dakbayan sa Mandaue daan nang mipahibaw nga pasirad-an nila ang sementeryo atol ning mga adlawa.
(News & photo courtesy of Cebu City Public Information Office | Municipality of Moalboal Police Office)