Ipatuman na sa kagamhanang lokal ubos sa administrasyon ni Mayor Rolando “Klarex” Uy ang bag-ong oras ug adlaw sa pagkolekta sa mga basura sa nagkalain-laing barangay ning syudad sugod Mayo 1 pinaagi sa City Local Environment and Natural Resources Office (Clenro).
Matud ni Engr. Armen Cuenca, hepe sa Clenro, nga subayon sa bag-ong garbage collector nga JOMARA/TENCIL Corporation ang gipagula nga schedule sa syudad sa tinguha nga mas plastar ug han-ay ang pagpadagan sa garbage collection.
Dugang ni Engr. Cuenca hugot usab ang coordination ug monitoring tali JOMARA aron masiguro nga walay barangay nga mabiyaan ug makab-ot gayud sa syudad ang gitinguha ni Mayor Klarex nga kahinlo ug kahindik niini.
Subay niini, naglaum si Mayor Klarex sa suporta ug kooperasyon usab sa katawhan pinaagi sa pagsunod sa ensaktong schedule sa pagpagawas sa ilang basura.
(News and photo courtesy of CIO CDO)