La Trinidad, Benguet – Kahalagahan ng Mental Health at Adolescent Reproductive Health, ibinahagi sa mga mag aaral sa Benguet National Highschool bilang bahagi ng Oplan Kalusugan sa DepEd o ang OK sa DepED.
Nagsagawa ng serye ng informative campaigns sa mga estudiante ng Benguet National High School ito lamang nakaraang araw na bahagi ng Oplan Kalusugan sa DepEd (OK sa DepEd) program upang masigurado ang magandang kalusugan ng mga mag aaral.
Ang nasabing gawain ay upang ipaalam sa mga mag aaral ang kahalagahan ng impormasion tungkol sa mental health, adolescent reproductive health, national drug education, at ang paghingi ng tulong.
Bilang bahagi ng gawain, naganap ang isang symposium para sa mga mag aaral na may paksa: a Healthy Choices, Healthy Futures: Adolescent Mental Health, Reproductive Health, and Substance Abuse Prevention.”
Ang mga nagsilbi bilang tagapagsalita ay nagmula sa Philippine Mental Health Association Cordillera Chapter Incorporated, Family Planning Organization of the Philippines Baguio Benguet Chapter at ng Regional Mobile Force Battalion 15. (Joel Cervantes, photo courtesy of BeNHS school)
