Gipahinumduman sa Department of Interior and Local Government (DILG) ang mga opisyales sa barangay nga ang pagtambong sa Barangay Anti-Drug Abuse Council (BADAC) seminar maoy usa sa mga rekisitos alang sa pag-apply sa drug-free barangay.
Ang pagpahinumdum gihimo atol sa pagpahigayon sa BADAC Aksyon Training bag-ohay lamang nga gipasiugdahan sa City Anti-Drug Abuse Council (CADAC), uban sa USAID isip facilitator pinaagi usab sa Oro Citizen’s Wellness and Development Center (OCWDC).
Ang kalihokan gitambongan sa 30 ka barangay basi sa drug-affectation nga moderate ngadto sa high rate diin ang DILG mao mismo ang nagpadala og memorandum sa maong mga barangay.
Usa sa gihingusgan sa DILG, PDEA ug kapulisan nga madugangan ang mga barangay ning syudad nga nadeklarar isip ‘drug-free barangay’.
Nasayran nga mohimo og aksyon ang DILG alang niadtong mga barangay nga wala mosalmot sa maong seminar.
(Source: BADAC | Cagayan de Oro City Philippines Facebook page)