Manamnama a mangrugi iti masungad a bulan ti Abril agbalin ton a maminpito a daras iti flights ti Phil. Airlines Airport iti Laoag International ti kada aldaw.
Inpalgak ni Mr. Perry Martinez iti Metro Ilocos Norte Council, personal a makisarsarita ni Gob. Mathew Marcos Manotoc iti biang ti PAL tapno manayonan ti flights da iti Laoag International Airport.
Gagem daytoy ti gobernador ket tapno umadu pay dagiti agsangpet a local ken gangannaet a bisita nga umay pumasyar ditoy probinsiya.
Pinaneknekan met ni Martinez nga adu pay dagiti pasaheros gapu ta nasurok a sangagasut dagiti bumabbaba a pasaheros iti kada agdisso nga eroplano iti LIA.
ti agdama a maminlima pay laeng a daras iti flights ti PAL iti uneg ti maysa nga aldaw iti Laoag airport.
Kabayatan na, naipababa metten ti plete iti eroplano ti PAL kalpasan iti ballaigi a pannakinegosiar ni Gob. Marcos Manotoc kadagiti maseknan iti biang ti Phil. Airlines. (Rod Sadian)
(Source: Provincial Government of Ilocos Norte)