Mokabat na sa 561,288 ang katibuk-ang ihap sa bakuna nga natupok sa katawhan sa Cagayan de Oro basi sa data sa City Health Insurance Office, Nobyembre 7 ning tuig.
Kini naglangkob na sa mga vaccination sites nga gidumala sa syudad, sa Northern Mindanao Medical Center/Department of Health, mga pribadong ospital lakip sa pribadong sektor.
Sa maong ihap 242,270 ang nakakompleto sa second dose sa bakuna, ug 319,018 ang natupokan sa first dose.
Tanang mga bakuna nga gigamit sa syudad batok COVID-19 adunay emergency use authorization sa Philippine Food and Drug Administration ug luwas ug epektibo aron malikay sa severe symptoms kon ugaling mataptan sa virus.
Sa laing bahin padayo’ng abli ang mga vaccination sites alang sa mga mag ‘walk-in’ nga 18 anyos pataas, samtang wala pa gitugot ang walk-in sa 12-17 anyos ug maghulat pa gihapon sa text message alang sa ilang schedule.
(Source: City Information Office-CdeO | Cagayan de Oro City Philippines Facebook page)