Ang Police Regional Office 7 (PRO7) nakadawat og Outstanding sa Unit Performance Evaluation Rating (UPER) para sa buwan sa Nobyembre, nga adunay total score nga 88.07 porsyento. Kini nga rating nagpakita sa overall operational effectiveness, disiplina sa personnel, ug pagsunod sa balaod ug polisiya sa region.
Sa ilawom sa Key Result Areas (KRA), napakita sa PRO7 ang lig-on nga kalampusan batok sa kriminalidad, padayon nga operasyon kontra ilegal nga drogas, focus sa campaign batok sa wanted persons, ug pagpalig-on sa crime prevention initiatives. Walay nareport nga Communist Terrorist Groups (CTGs), Local Terrorist Groups (LTGs), Private Armed Groups (PAGs), Potential PAGs, o organized criminal gangs sa ilang area.
Ang maayong kondisyon sa kalinaw ug kahapsay giingon nga resulta sa operational strategy ni Regional Director PBGen Redrico A. Maranan, nga nag-focus sa pagwagtang sa kriminal nga grupo, terrorist groups, ug drug syndicates pinaagi sa proactive intelligence, law enforcement operations, ug lig-on nga partnership sa komunidad.
Sa aspeto sa Behavior/Attitude (BA) sa personnel, nakadawat og taas nga marka ang PRO7 sa professionalism, disiplina, responsiveness, ug ethical conduct sa ilang trabaho. Sa Compliance sa Reports/Requirements (CR), maayo usab ang pagsunod sa national directives ug timely submission sa reports, nga nagpakita sa epektibong command supervision ug institutional discipline.
Gipasidunggan ni PBGen Maranan ang tanang miyembro sa PRO7 sa ilang collective effort. “This Outstanding rating reflects the discipline, unity, and dedication of our personnel. Our peace and order gains are not accidental—they are the result of clear direction, consistent implementation, and strong teamwork. I thank every member of PRO7 for upholding professionalism and for remaining committed to our mandate of serving and protecting our communities.”
Source: PRO7 PIO
I via Renante Socia Lada