Gipahibalo sa kapulisan nga nailhan na ang mga indibidwal nga giingong responsable sa pagpatay kang Atty. Duke Ramil Perral Lincuna. Ang insidente nahitabo niadtong Disyembre 11, 2025 sa Purok 5, Sacris Road, Barangay Bakilid, Mandaue City.
Sumala sa awtoridad, nagpadayon ang operasyon aron matultolan ug madakpan ang mga suspek nga nalambigit sa krimen. Bahin niini, gitanyag ang reward alang sa bisan kinsa nga makahatag og kasaligan nga impormasyon nga makatabang sa pag-ila ug pagdakop sa mga gipasanginlan.
Gipasalig sa kapulisan nga ang pagkatawo sa informant tagoon og kompidensyal ug protektado. Ang tanang impormasyon nga mosangpot sa pagdakop sa mga suspek mahimong ireport pinaagi sa mosunod nga kontak:
0998-598-6299/Mcpo CIDMU
Giawhag ang publiko nga makigtambayayong sa kapulisan aron makab-ot ang hustisya alang kang Atty. Lincuna ug sa iyang pamilya.
Source: MCPO CIDMU
I via Renante Socia Lada