GENERAL SANTOS CITY – Malampuson nga giablihan kagahapong adlawa ang GenSan Business Forum 2018 nga gitambungan sa nagkalain laing ahensiya sa nasyunal nga kagamhanan lakip ang mga negosyante. Mao kini ang gikomperma ni Leonard Flores, Department Head sa City Economic Management and Cooperative Development Office kon CEMCDO.
Sumala pa ni Flores nga usa kini ka investment conference kung diin ubay-ubay ang nahimong mga bisita gikan sa national office sama sa DOT, NEDA, MINDA, Office of the President og daghan pa.
Lakip sa mga hisgutan mao ang Investment Opportinities in Agri-business sector, Investment Opputunities in Tourism, Investment oppurtunities on Housing and Real Property ug uban pa nga gitambungan sa mga negosyante nga naggikan pa sa nagkalain-laing lugar sa nasud lakip na ang mga langyawng mamumuhunan.
Nasayran nga mao na kini ang labing dakong tigom sa mga mamumuhunan nga gipahigayon sa syudad sa General Santos nga mamahimong lakang alang sa gipangandaman nga mamahimong “MetroPolitan GenSan” ang syudad sa umaabot nga mga panahon.
