BuCor officer itinanggi ang akusasyon ni Camelon

Mariing itinanggi ni Corrections Officer 3 Veronica Buño na siya ang  babaeng kausap ng testigong si Yolanda Camelon sa isang recording na ipinarinig sa pagdinig sa senado.

Maririnig sa nasabing recording na pinag-uusapan ang pagbibigay ng bayad kay BuCor Documents and Record Section Chief Ramoncito Roque kapalit ng paglaya ng asawa ni Camelon na si Godfrey Gamboa.

Iginiit ni Buño na hindi niya tinawagan si Camelon.

Magugunitang idinawit ni Camelon si Buño na isa sa kaniyang naging ka-transaksyon para sa umano’y ‘GCTA for sale’.